afsos ye vabaa ke dinon ki mohabbatein — Sajjad Baluch

use maalum thaa ye shaam-e-judaai hai to bas
aakhiri baar bahut der ikaTThe baiThe

raah kaa shajar huun main aur ik musaafir tu
de koi duaa mujh ko le koi duaa mujh se

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

jo tire ishq mein tabaah huaa
koi us ko tabaah kar na sakaa

tere shaidaa bhi hue ishq-e-tamaashaa bhi hue
tere divaane tire shahr mein rusvaa bhi hue