jaane andar kyaa huaa main shor sun kar ai 'salim' — Saleem Ahmed

khush-numaa lafzon ki rishvat de ke raazi kijiye
ruuh ki tauhin par aamaada rahtaa hai badan

main gham ko basaa rahaa huun dil mein
be-ghar ko makaan de rahaa huun

ghar mein kuchh kam hai ye ehsaas bhi hotaa hai 'salim'
ye bhi khultaa nahin kis shai ki kami lagti hai

ik aag si jalti rahi taa-umr lahu mein
ham apne hi ehsaas mein pakte rahe taa-der

main us ko bhuul gayaa thaa vo yaad saa aayaa
zamin hili to main samjhaa ki zalzala aayaa

jitnaa aankh se kam dekhun
utni duur dikhaai de

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kyon tasavvur mein ji rahaa huun main
jab haqiqat mein mar hi jaanaa hai

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa

khudaa jaane ye gardish kaa tariqa kab nikaalaa hai
jise kahte hain gardun ik mire paanv kaa chhaalaa hai

tarannum mein gavayye ki tarah se taan paidaa kar
nae andaaz se sheron mein apne jaan paidaa kar