raat basti jali gharibon ki — Samar Kabir

jo mire sochne ki baatein hain
dusre sochte hain mere liye

miyaan majnun to kab ke mar chuke hain
magar haathon mein patthar hai abhi tak

koi jaldi nahin hai soch lenaa
abhi inkaar ki gunjaaishein hain

in gharib logon ki ye 'ajib mushkil hai
sar jhukaa ke kahte hain sar nahin jhukaaeinge

qadam qadam pe mire khvaab jal rahe hain yahaan
main is zamin ko jannat banaane aayaa thaa

meri mazduri ke paise mujhe de do maalik
aaj beTi miri sasuraal se aai hui hai

shor din ko nahin sone detaa
shab ko sannaaTaa jagaa detaa hai

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

meri nigaah-e-shauq bhi kuchh kam nahin magar
phir bhi tiraa shabaab tiraa hi shabaab hai

hijr ki shab naala-e-dil vo sadaa dene lage
sunne vaale raat kaTne ki duaa dene lage

aadhi se ziyaada shab-e-gham kaaT chukaa huun
ab bhi agar aa jaao to ye raat baDi hai