safar ki shaam sitaara nasib kaa jaagaa — Sameena Raja

aab-e-hairaan par kisi kaa aks jaise jam gayaa
aankh mein bas ek lamhe ke liye Thahraa khayaal

kyaa karein aankh agar us se sivaa chaahti hai
ye jahaan-e-guzaraan aaina-khaana hi sahi

shaairi jhuuT sahi ishq fasaana hi sahi
zinda rahne ke liye koi bahaana hi sahi

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

yak-ba-yak tark na karnaa thaa mohabbat mujh se
khair jis tarah se aataa thaa vo aataa jaataa

kaamyaabi ki duaaein mujhe dene vaale
main tire ishq mein naakaam huaa jaataa huun

adaavaton mein jo khalq-e-khudaa lagi hui hai
mohabbaton ko koi bad-duaa lagi hui hai

yahi to e'tibaar-e-shab-kada hai
miraa haasil hai ye kaar-e-ziyaan ishq