ajab ki sabr ki miaad baDhti jaati hai — Saqi Faruqi

vo miri ruuh ki uljhan kaa sabab jaantaa hai
jism ki pyaas bujhaane pe bhi raazi niklaa

duniyaa pe apne ilm ki parchhaaiyaan na Daal
ai raushni-farosh andheraa na kar abhi

khaak main us ki judaai mein pareshaan phirun
jab ki ye milnaa bichhaDnaa miri marzi niklaa

hairaani mein huun aakhir kis ki parchhaain huun
vo bhi dhyaan mein aayaa jis kaa saaya koi na thaa

pyaas baDhti jaa rahi hai bahtaa dariyaa dekh kar
bhaagti jaati hain lahrein ye tamaashaa dekh kar

haadsa ye hai ki ham jaan na moattar kar paae
vo to khush-bu thaa use yuun bhi bikhar jaanaa thaa

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

vo jo ik shakhs tumhein yaad kiyaa kartaa thaa
aaj masruf bahut hai use tum yaad karo

yunhi hanste hue chhoDeinge ghazal ki mahfil
ek aansu se ziyaada koi rone kaa nahin

kyaa bhuul paD gai hai raste sanbhaalne mein
khud ko bhi yaad rakhnaa dushvaar ho rahaa hai

phir vahi kunj-e-qafas hai vahi sayyaad kaa ghar
chaar din aur havaa baagh ki khaa le bulbul