khat ho koi kitaab ho yaa dil kaa zakhm ho — Sardar Asif

aataa rahaa huun yaad main us ko tamaam umr
is zaaviye se ishq mein naakaam kab huaa

koi shikva nahin ham ko kisi se
khud apni zaat ham ko chhal rahi hai

ye kaise marhale mein phans gayaa hai meraa ghar maalik
agar chhat ko bachaa bhi luun to phir divaar jaati hai

sunaa hai dhuup ko ghar lauTne ki jaldi hai
vo aaj vaqt se pahle hi shaam kar degi

main tujh se jhuk ke milaa huun magar ye dhyaan rahe
baDaa nahin huun magar tujh se qad mein kam bhi nahin

ghazal kahne mein yuun to koi dushvaari nahin hoti
magar ik masala ye hai ki meyaari nahin hoti

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

dil ki haalat se khabar deti hai
'asar' aashufta-bayaani meri

surat chhupaaiye kisi surat-parast se
ham dil mein naqsh aap ki tasvir kar chuke

vo habib ho ki rahbar vo raqib ho ki rahzan
jo dayaar-e-dil se guzre use ham-kalaam kar lo

dil ko har lamha bachaate rahe jazbaat se ham
itne majbur rahe hain kabhi haalaat se ham