naa-mustajaab itni duaaein huiin ki phir — Sarshar Siddiqui

main ne ibaadaton ko mohabbat banaa diyaa
aankhein buton ke saath rahin dil khudaa ke saath

ik kaar-e-muhaal kar rahaa huun
zinda huun kamaal kar rahaa huun

ujDe hain kai shahar, to ye shahar basaa hai
ye shahar bhi chhoDaa to kidhar jaaoge logo

niind TuuTi hai to ehsaas-e-ziyaan bhi jaagaa
dhuup divaar se aangan mein utar aai hai

'sarshaar' main ne ishq ke maani badal diye
is aashiqi mein pahle na thaa vasl kaa chalan

miri talab mein takalluf bhi inkisaar bhi thaa
vo nukta-sanj thaa sab mere hasb-e-haal diyaa

hijr ki lazzaton kaa kyaa kahnaa
vo na aaein miri duaa hai ye

har dam duaa-e-aab-o-havaa maangte rahe
nange darakht sabz qabaa maangte rahe

khair ki saari du'aaon kaa bhalaa ho laDki
ek bosa dam-e-rukhsat ki giraani nikle

ik lafz bhi na lab se kahaa aur ro diye
'arshi' uThaae dast-e-du'aa aur ro diye

na jaane kaun si manzil pe ishq aa pahunchaa
duaa bhi kaam na aae koi davaa na lage

un ko har zulm par du'aaein diin
sabr ki aur intihaa kyaa hai