khair ki saari du'aaon kaa bhalaa ho laDki — Aqeel Abbas

jaane is vaqt kahaan phone paDaa ho us kaa
jaane is vaqt vo kis shakhs ki aaghosh mein ho

sipah-gari kaa hunar bhi sukhan-vari bhi ho
main chaahtaa huun ki lashkar bhi ho pari bhi ho

ek bosa udhaar hai tum par
aur chaae bhi tez patti ki

khudaa ko khat likhungaa khud-kushi kaa
likhungaa main resign kar rahaa huun

safar nigal gae ham ko vagarna ham ne bhi
kahin pahunch ke kisi ko gale lagaanaa thaa

lams-e-husn-e-'ajib ki khvaahish
sar uThaati thi maar di main ne

kisi ke harf-e-tamannaa ki intihaa huun main
kisi ke harf-e-duaa ne miri hifaazat ki

maangaa kareinge ab se duaa hijr-e-yaar ki
aakhir to dushmani hai asar ko duaa ke saath

haadson ki gard se khud ko bachaane ke liye
maan ham apne saath bas teri du'aa le jaaeinge

bahut dilon ko sataayaa hai tu ne ai zaalim
mujhe ye Dar hai koi shakhs bad-duaa na kare

dam jo niklaa to muddaaa niklaa
ek ke saath dusraa niklaa

ye tamaashaa didani Thahraa magar dekhegaa kaun
ho gae ham raakh to dast-e-duaa raushan huaa