un ko har zulm par du'aaein diin — Sujit Sahgal Haasil

jab ye panne kitaabon ke gal jaaeinge
mol bhi kyaa kahaani ke Dhal jaaeinge

ho gae bebas kai ustaad bhi haalaat se
bik rahi chhup-chhup ke yuun har roz bechaari ghazal

mujh ko joDaa hai toD kar khud ko
us ne mujh ko bikhartaa paayaa jab

rok ke apni aankh ke aansu hans kar us ko rukhsat di
tab samjhe hain yaaro ham bhi shahnaai kyaa hoti hai

dekh teri sohbaton kaa kyaa asar aayaa hai aaj
ek aavaara parinda phir se ghar aayaa hai aaj

yuun imtihaan meraa lete rahe masaail
ik haath par thaa dariyaa ik haath par thaa saahil

du'aaein maan ki pahunchaane ko milon-mil jaati hain
ki jab pardes jaane ke liye beTaa nikaltaa hai

labon pe us ke kabhi bad-du'aa nahin hoti
bas ek maan hai jo mujh se khafaa nahin hoti

hai khuub manzar-e-chaara-gari ki ham ne yahaan
duaa ke dar pe hai dekhaa davaa ko sajde mein

ek aurat se vafaa karne kaa ye tohfa milaa
jaane kitni auraton ki bad-duaaein saath hain

phir se vo lauT kar nahin aayaa
phir duaa mein asar nahin aayaa

chalegaa tiir jab apni duaa kaa
kaleje dushmanon ke chhaan degaa