shaakh par hon ki un ke juuDe mein — Shaad Fidai Dehlvi

meri har shab isi ummid mein kaT jaati hai
vo abhi aaya abhi meraa muqaddar jaagaa

jo nahin hai vaqt kaa ham-safar use subh-o-shaam ki kyaa khabar
ho kisi kaa vaqt pe kyaa asar bhalaa vaqt kis kaa ghulaam hai

tujhe bhulaa ke bhi sadiyaan bhulaa nahin saktin
magar ye shart hai khud mein kamaal paidaa kar

azizo zindagi ki talkhiyon se main to baaz aaya
rafiqo aur jiine ki duaa se choT lagti hai

taDap rahaa hai jo betaab ho ke zakhmon se
ye raaste mein mire dil ke hu-bahu kyaa hai

jin ke aangan mein nahin koi bhi rone vaalaa
un gharon se bhi guzartaa hai khilaune vaalaa

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

dil ki khalish to saath rahegi tamaam umr
dariyaa-e-gham ke paar utar jaaein ham to kyaa

apne haathon se zahr mat diije
ye kahin zindagi na ban jaae

apnaa baadal talaashne ke liye
umar bhar dhuup mein nahaae ham