tujhe bhulaa ke bhi sadiyaan bhulaa nahin saktin — Shaad Fidai Dehlvi

shaakh par hon ki un ke juuDe mein
umr hai ek raat phulon ki

meri har shab isi ummid mein kaT jaati hai
vo abhi aaya abhi meraa muqaddar jaagaa

jo nahin hai vaqt kaa ham-safar use subh-o-shaam ki kyaa khabar
ho kisi kaa vaqt pe kyaa asar bhalaa vaqt kis kaa ghulaam hai

azizo zindagi ki talkhiyon se main to baaz aaya
rafiqo aur jiine ki duaa se choT lagti hai

taDap rahaa hai jo betaab ho ke zakhmon se
ye raaste mein mire dil ke hu-bahu kyaa hai

jin ke aangan mein nahin koi bhi rone vaalaa
un gharon se bhi guzartaa hai khilaune vaalaa

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

jo tere gham mein jale hain vo phir bujhe hi nahin
jab in ki raakh kuredo sharaare zinda hain

'ishq ki fitrat sadaa aazaad hai
qaid mein dair-o-haram ki kab rahaa

be-kasi ke dard ne lau di jal uTThaa ik charaagh
rafta rafta us se phir saaraa jahaan raushan huaa