apne haathon se zahr mat diije — Annu Rizvi

main to niklaa thaa charaaghon ko jalaane ke liye
log kam-zarf the daaman ko bachaa kar bhaage

yahaan gharib ko sab kuchh to de diyaa us ne
zamin bichhaae hai aur aasmaan oDhe hai

dariyaa chaDhaa to gaanv ke gaanv bahaa gayaa
utraa to kitne shahr ke naqshe banaa gayaa

kabhi to baaDh aa ke apne saath sab bahaa gai
kabhi kisaan baarishon ki raah dekhtaa rahaa

us ko ye dil bhuul sakegaa mushkil lagtaa hai
mushkil se to jaa ke kisi se ye dil lagtaa hai

hamaare us ke darmiyaan ye kaisaa faasla rahaa
use bhi sab khabar rahi hamein bhi sab pataa rahaa

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi bhar mujhe is baat ki hasrat hi rahi
din guzaarun to koi raat suhaani aae

kabhi kabhi tu mujhe yaad kar to leti hai
sukun itnaa saa kaafi hai zindagi ke liye

tamaam umr yahaan kis kaa intizaar huaa hai
tamaam umr miraa kaun intizaar karegaa