phailaa huaa hai jism mein tanhaaiyon kaa zahr — Shahid Mahuli

rang be-rang huaa Duub gaiin aavaazein
ret hi ret hai ab laash uThaai jaae

khuun kaa sailaab thaa jo sar se abhi guzraa hai
baam-o-dar ab bhi sisakte hain magar ghar chup hain

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

mohabbat ke liye kuchh khaas dil makhsus hote hain
ye vo naghma hai jo har saaz par gaayaa nahin jaataa

gham-e-hayaat ne aavaara kar diyaa varna
thi aarzu ki tire dar pe subh o shaam karein

us shakhs ke gham kaa koi andaaza lagaae
jis ko kabhi rote hue dekhaa na kisi ne