aankh ki ye ek hasrat thi ki bas puuri hui — Shahryar

dil mein rakhtaa hai na palkon pe biThaataa hai mujhe
phir bhi ik shakhs mein kyaa kyaa nazar aataa hai mujhe

chal chal ke thak gayaa hai ki manzil nahin koi
kyuun vaqt ek moD pe Thahraa huaa saa hai

zabaan mili bhi to kis vaqt be-zabaanon ko
sunaane ke liye jab koi daastaan na rahi

safar kaa nashsha chaDhaa hai to kyuun utar jaae
maza to jab hai koi lauT ke na ghar jaae

har taraf apne ko bikhraa paaoge
aainon ko toD ke pachhtaaoge

bataaun kis tarah ahbaab ko aankhein jo aisi hain
ki kal palkon se TuuTi niind ki kirchein sameTin hain

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

zaraa mausam to badlaa hai magar peDon ki shaakhon par nae patton ke aane mein abhi kuchh din lageinge
bahut se zard chehron par ghubaar-e-gham hai kam be-shak par un ko muskuraane mein abhi kuchh din lageinge

ik khilaunaa jogi se kho gayaa thaa bachpan mein
DhunDhtaa phiraa us ko vo nagar nagar tanhaa