ham ne to koi baat nikaali nahin gham ki — Shahryar

dil mein rakhtaa hai na palkon pe biThaataa hai mujhe
phir bhi ik shakhs mein kyaa kyaa nazar aataa hai mujhe

chal chal ke thak gayaa hai ki manzil nahin koi
kyuun vaqt ek moD pe Thahraa huaa saa hai

zabaan mili bhi to kis vaqt be-zabaanon ko
sunaane ke liye jab koi daastaan na rahi

safar kaa nashsha chaDhaa hai to kyuun utar jaae
maza to jab hai koi lauT ke na ghar jaae

har taraf apne ko bikhraa paaoge
aainon ko toD ke pachhtaaoge

bataaun kis tarah ahbaab ko aankhein jo aisi hain
ki kal palkon se TuuTi niind ki kirchein sameTin hain

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

lazzat-e-zindagi vo kyaa jaane
jis ko dard-e-jigar nahin hotaa

huzur-e-yaar bhi aansu nikal hi aate hain
kuchh ikhtilaaf ke pahlu nikal hi aate hain

ye kamra band hai chaaron taraf se
udaasi kis taraf se aa rahi hai