udaas chhoD gae kashtiyon ko saahil par — Shahzad Ahmad

shaayad isi baais huiin patthar miri aankhein
jo kuchh ki mujhe dekhnaa thaa dekh liyaa hai

zabaanein thak chukin patthar hue kaan
kahaani an-kahi thi an-kahi hai

ek se manzar dekh dekh kar aankhein dukhne lagti hain
is raste par peD bahut hain aur haraa koi bhi nahin

khule asraar us par jism ke aahista aahista
bahut din mein use baatein na karne kaa hunar aayaa

bharpur nahin hain kisi chehre ke khad-o-khaal
dekhaa nahin vo chaand jo puuraa nazar aae

ab to insaan ki azmat bhi koi chiiz nahin
log patthar ko khudaa maan liyaa karte the

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

baat niklegi to phir duur talak jaaegi
log be-vajh udaasi kaa sabab puchheinge

main hikaayat-e-dil-e-be-navaa mein ishaarat-e-gham-e-jaavidaan
main vo harf-e-aakhir-e-motabar jo likhaa gayaa na paDhaa gayaa

taarikh bataaegi vo qatra hai ki dariyaa
aansu hai abhi vaqt ke qadmon mein paDaa hai