lete hain samar shaakh-e-samarvar ko jhukaa kar — Shaikh Ibrahim Zauq

'zauq' jo madrase ke bigDe hue hain mullaa
un ko mai-khaane mein le aao sanvar jaaeinge

ek aansu ne Duboyaa mujh ko un ki bazm mein
buund bhar paani se saari aabru paani hui

maalum jo hotaa hamein anjaam-e-mohabbat
lete na kabhi bhuul ke ham naam-e-mohabaat

behtar to hai yahi ki na duniyaa se dil lage
par kyaa karein jo kaam na be-dil-lagi chale

naaz hai gul ko nazaakat pe chaman mein ai 'zauq'
us ne dekhe hi nahin naaz-o-nazaakat vaale

in dinon garche dakan mein hai baDi qadr-e-sukhan
kaun jaae 'zauq' par dilli ki galiyaan chhoD kar

mere khvaabon ke jharokon ko sajaate rahiye
na sahi vasl magar yaad to aate rahiye

aankhon ne aansuon kaa tabarruk luTaa diyaa
dil ke mazaar par tiri yaadon kaa ‘urs hai

kisi ke sitam is qadar yaad aae
zabaan thak gai mehrbaan kahte kahte

'ajab ehsaas hai ki jab use dekhun
mujhe pahli mohabbat yaad aati hai

jin ki yaadon se raushan hain meri aankhein
dil kahtaa hai un ko bhi main yaad aataa huun

is se ziyaada daur-e-junun ki khabar nahin
kuchh be-khabar se aap the kuchh be-khabar se ham