'ajab ehsaas hai ki jab use dekhun — Euphonic Amit

hijr mein shiddat dikhaate hain sabhi 'aashiq magar
lutf tab hai vasl ho par aarzu baaqi rahe

umidon se karo aazaad aur phir
mohabbat ki sanam parvaaz dekho

jo haqiqat se khauf khaane lage
khvaab aise main dekhtaa hi nahin

aap ne jis ko farishte kaa diyaa thaa darja
us ki insaanon si fitrat hai to hairat kyaa hai

jo auron ko uDte hue dekhtaa ho
vo pinjre mein kaise sukun se rahegaa

mire qalam ki siyaahi mein 'ishq hai teraa
miraa ye naam ye shohrat tiri badaulat hai

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

rah-o-rasm-e-mohabbat in hasinon se main kyaa rakkhun
jahaan tak dekhtaa huun nafa un kaa hai zarar apnaa

ishq ko naghma-e-ummid sunaa de aa kar
dil ki soi hui qismat ko jagaa de aa kar

laundry kholi thi us ke ishq mein
par vo kapDe ham se dhulvaataa nahin

aahon se soz-e-ishq miTaayaa na jaaegaa
phunkon se ye charaagh bujhaayaa na jaaegaa