rulaaegi miri yaad un ko muddaton saahab — Shaikh Ibrahim Zauq

'zauq' jo madrase ke bigDe hue hain mullaa
un ko mai-khaane mein le aao sanvar jaaeinge

ek aansu ne Duboyaa mujh ko un ki bazm mein
buund bhar paani se saari aabru paani hui

maalum jo hotaa hamein anjaam-e-mohabbat
lete na kabhi bhuul ke ham naam-e-mohabaat

behtar to hai yahi ki na duniyaa se dil lage
par kyaa karein jo kaam na be-dil-lagi chale

naaz hai gul ko nazaakat pe chaman mein ai 'zauq'
us ne dekhe hi nahin naaz-o-nazaakat vaale

in dinon garche dakan mein hai baDi qadr-e-sukhan
kaun jaae 'zauq' par dilli ki galiyaan chhoD kar

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

jaate hue kamre ki kisi chiiz ko chhu de
main yaad karungaa ki tire haath lage the

ek jhonkaa tire pahlu kaa mahakti hui yaad
ek lamha tiri dildaari kaa kyaa kyaa na banaa

ham ko junun kyaa sikhlaate ho ham the pareshaan tum se ziyaada
chaak kiye hain ham ne azizo chaar garebaan tum se ziyaada

nazar mein yaadon ke manzar sameT kar rakhnaa
main jaisaa chhoD ke aai huun vaisaa ghar rakhnaa