agar hamaare hi dil mein Thikaanaa chaahiye thaa — Shakeel Jamali

zindagi aise bhi haalaat banaa deti hai
log saanson kaa kafan oDh ke mar jaate hain

sab se pahle dil ke khaali-pan ko bharnaa
paisa saari umr kamaayaa jaa saktaa hai

apne khuun se itni to ummidein hain
apne bachche bhiiD se aage nikleinge

har kone se teri khushbu aaegi
har sanduq mein tere kapDe nikleinge

umr kaa ek aur saal gayaa
vaqt phir ham pe khaak Daal gayaa

abhi raushan huaa jaataa hai rasta
vo dekho ek aurat aa rahi hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

jis kuun tujh gham siin dil-shigaafi hai
marham-e-vasl is kuun shaafi hai

junun ke shahr mein niin kam-ayaar kuun hurmat
main naqd-e-qalb kuun kaanTe mein dil ke tol chukaa

shab-e-visaal tire dil ke saath lag kar bhi
miri luTi hui duniyaa tujhe pukaarti hai

kaifiyat hi koi paani ne badal li ho kahin
ham jise dasht samajhte hain vo dariyaa hi na ho