gham diye hain hayaat ne ham ko — Shamsii Meenai

dil ki haalat agar nahin badli
ehtiyaat-e-nazar se kyaa hogaa

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

hamein baada-kash-e-dard-e-tamannaa
hamin par band hai mai-khaana dil kaa

hujum-e-subh ki tanhaaiyon mein Duub gae
vo qaafile jo andheron ki anjuman se chale

main jo royaa un ki aankhon mein bhi aansu aa gae
husn ki fitrat mein shaamil hai mohabbat kaa mizaaj