hujum-e-subh ki tanhaaiyon mein Duub gae — Anwar Moazzam

vo habib ho ki rahbar vo raqib ho ki rahzan
jo dayaar-e-dil se guzre use ham-kalaam kar lo

hamein baada-kash-e-dard-e-tamannaa
hamin par band hai mai-khaana dil kaa

sab dikhaate hain tiraa aks miri aankhon mein
ham zamaane ko isi taur se mahbub hue

kaun royaa pas-e-divaar-e-chaman aakhir-e-shab
kyuun sabaa lauT gai raahguzar se puchho

aankhon mein ghul na jaaein kahin zulmaton ke rang
jis samt raushni hai udhar dekhte raho

aao dekhein ahl-e-vafaa ki hoti hai tauqir kahaan
kis mahfil kaa naam hai maqtal khinchti hai shamshir kahaan

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

koi bhi yaqin dil ko 'shaad' kar nahin saktaa
ruuh mein utar jaae jab gumaan ki tanhaai

har ek ahd ne likkhaa hai apnaa naama-e-shauq
kisi ne khuun se likhaa hai kisi ne aansu se

umanD ke aankh se ik baar bah chale aansu
hansi hansi mein jo zikr-e-vidaa-e-yaar aayaa