zaraa si baat thi teraa bichhaDnaa — Sheen Kaaf Nizam

vahshat to sang-o-khisht ki tartib le gai
ab fikr ye hai dasht ki vusat bhi le na jaae

nikle kabhi na ghar se magar is ke baavajud
apni tamaam umr safar mein guzar gai

darvaaza koi ghar se nikalne ke liye de
be-khauf koi raasta chalne ke liye de

chubhan ye piiTh mein kaisi hai muD ke dekh to le
kahin koi tujhe pichhe se dekhtaa hogaa

gali ke moD se ghar tak andheraa kyuun hai 'nizaam'
charaagh yaad kaa us ne bujhaa diyaa hogaa

udaasi akele mein Dar jaaegi
ghaDi-do-ghaDi ko khushi bhej de

haath bhar duuri pe hai qismat ki chaabi aap ki
ek chhoTaa saa qadam aur kaamyaabi aap ki

muskuraa kar un kaa milnaa aur bichhaDnaa ruuTh kar
bas yahi do lafz ik din daastaan ho jaaeinge

tere firaaq ne ki zindagi ataa mujh ko
teraa visaal jo miltaa to mar gayaa hotaa

lamhaat-e-vasl yaad jo aae shab-e-firaaq
yak-lakht surkh ho gae aariz be-ikhtiyaar

jab se Taangi hai tiri tasvir dil ki algani par
yaan tabhi se din mein titli baiThti hai shab mein jugnu

jo paDhaa hai use jiinaa hi nahin hai mumkin
zindagi ko main kitaabon se alag rakhtaa huun