ye baazi mohabbat ki baazi hai naadaan — Sheri Bhopali

qayaamat hai ye kah kar us ne lauTaayaa hai qaasid ko
ki un kaa to har ik khat aakhiri paighaam hotaa hai

mohabbat maani o alfaaz mein laai nahin jaati
ye vo naazuk haqiqat hai jo samjhaai nahin jaati

baraabar khafaa hon baraabar manaaein
na tum baaz aao na ham baaz aaein

abhi to dil mein halki si khalish mahsus hoti hai
bahut mumkin hai kal is kaa mohabbat naam ho jaae

sunne mein aa rahe hain masarrat ke vaaqiaat
jamhuriyat kaa husn numaayaan hai aaj-kal

tamannaa hai yahi dil ki vahin chaliye vahin chaliye
vo mahfil aah jis mahfil mein duniyaa luT gai apni

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

puuri ho jaati agar koi kahaani hoti
ye mohabbat hai miyaan is mein kasak rahti hai

aakhiri baar mulaaqaat to kar li hai magar
silsila apni mohabbat kaa kahaan aakhiri hai

kisi ke saath milaa huun baDi mohabbat se
kabhi kabhaar jo milte hain achchhe rahte hain

kabhi ishq saaz-e-hayaat thaa kabhi soz-e-dil ne jalaa diyaa
kabhi vasl mein bhi kasak rahi kabhi dard-o-gham ne bhi mazaa diyaa