ajiib shakhs thaa khud apne dukh banaataa thaa — Shivendra Singh

phir us ke baa'd koi aur dukh banaa hi nahin
tabaah-kun thaa faqat kun pukaarnaa us kaa

samajh mein aae to samjho kabhi hamaaraa dukh
phir us ke baad hamaare huon kaa dukh samjho

har samt main huun aur mire hone ki hai khabar
duniyaa visaal-e-yaar se pahle ki baat thi

main baDaa ho gayaa huun magar bachpanaa
mere dil se kabhi bhi gayaa hi nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

'saif' andaaz-e-bayaan rang badal detaa hai
varna duniyaa mein koi baat nai baat nahin

dil par pahan liyaa hai vo gajre ke jaisaa shakhs
lekin gale kaa haar nahin kar rahaa huun main

vo gulaabi baadalon mein ek niili jhiil si
hosh qaaem kaise rahte thaa hi kuchh aisaa libaas

kunj-e-hairat se chale dasht-e-ziyaan tak laae
kaun laa saktaa hai ham dil ko jahaan tak laae