aisi taraqqi par to ronaa bantaa hai — Ishaq Virdag

khairaat mein de aayaa huun jiiti hui baazi
duniyaa ye samajhti hai ki main haar gayaa huun

asaatiza ne miraa haath thaam rakkhaa hai
isi liye to main pahunchaa huun apni manzil par

kisi ki yaad manaane mein iid guzregi
so shahr-e-dil mein bahut duur tak udaasi hai

baazaar hain khaamosh to galiyon pe hai sakta
ab shahr mein tanhaai kaa Dar bol rahaa hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

khushi hi shart nahin lutf-e-zindagi ke liye
mataa-e-gham bhi zaruri hai aadmi ke liye

haan ye bhi tariqa achchhaa hai tum khvaab mein milte ho mujh se
aate bhi nahin gham-khaane tak vaada bhi vafaa ho jaataa hai

lazzat-e-dard mili jurm-e-mohabbat mein use
vo sazaa paai hai dal ne ki khataa jhuum uThi