dil ki baatein dusron se mat kaho luT jaaoge — Shuja Khaavar

'shujaa' vo khairiyat puchhein to hairat mein na paD jaanaa
pareshaan karne vaale khair-khvaahon mein bhi hote hain

chaaragari ki baat kisi aur se karo
ab ho gae hain yaaro puraane mariz ham

us ke bayaan se hue har-dil-aziz ham
gham ko samajh rahe the chhupaane ki chiiz ham

tangi-e-haiat se Takraataa huaa josh-e-mavaad
shaaeri kaa lutf aa jaataa hai chhoTi bahr mein

yaa to jo naa-fahm hain vo bolte hain in dinon
yaa jinhein khaamosh rahne ki sazaa maalum hai

do chaar nahin sainkaDon sher us pe kahe hain
is par bhi vo samjhe na to qadmon pe jhukein kyaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

aap hairaan kyuun hain meri aankh se dekhein ise
ye mire album ki sab se dil-nashin tasvir hai

dil lene ke andaaz bhi kuchh siikh gayaa huun
sohbat mein hasinon ki bahut roz rahaa huun

kyaa bujhaaegaa mire dil ki lagi vo shola-ru
dauDtaa hai jo lagaa ke aag paani ke liye

kyaa log hain ki dil ki girah kholte nahin
aankhon se dekhte hain magar bolte nahin