dil lene ke andaaz bhi kuchh siikh gayaa huun — Kaifi Hyderabadi

aur bhi to hain zamaane mein tumhaare aashiq
ek main hi tumhein kyaa qaabil-e-ilzaam milaa

vahi nazar mein hai lekin nazar nahin aataa
samajh rahaa huun samajh mein magar nahin aataa

mazaa hai tire bismilon ko taDap mein
taDap mein nahin bismilon mein mazaa hai

raqib donon jahaan mein zalil kyuun hotaa
kisi ke biich mein kam-bakht agar nahin aataa

vo ab kyaa khaak aae haae qismat mein tarasnaa thaa
tujhe ai abr-e-rahmat aaj hi itnaa barasnaa thaa

mohabbat mein kyaa kyaa na kuchh jaur hogaa
abhi kyaa huaa hai abhi aur hogaa

main baDaa ho gayaa huun magar bachpanaa
mere dil se kabhi bhi gayaa hi nahin

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

'saif' andaaz-e-bayaan rang badal detaa hai
varna duniyaa mein koi baat nai baat nahin

barsaat kaa baadal to divaana hai kyaa jaane
kis raah se bachnaa hai kis chhat ko bhigonaa hai

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

badalte vaqt ne badle mizaaj bhi kaise
tiri adaa bhi gai meraa baankpan bhi gayaa