kiyaa khaak aatish-e-ishq ne dil-e-be-navaa-e-'siraaj' kuun — Siraj Aurangabadi

dekhaa hai jis ne yaar ke rukhsaar ki taraf
hargiz na jaave sair kuun gulzaar ki taraf

boltaa huun jo vo bulaataa hai
tan ke pinjre mein us kaa totaa huun

vaqt hai ab namaaz-e-maghrib kaa
chaand rukh lab shafaq hai gesu shaam

tahqiq ki nazar siin aakhir kuun ham ne dekhaa
akasr hain maal vaale kam hain kamaal vaale

masjid vahshat mein paDhtaa hai taraavih-e-junun
mushaf husn-e-pari-rukhsaar jis kuun yaad hai

vo ajab ghaDi thi main jis ghaDi liyaa dars nuskha-e-ishq kaa
ki kitaab aql ki taaq par juun dhari thi tyuun hi dhari rahi

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

kal raat jo indhan ke liye kaT ke giraa hai
chiDiyon ko bahut pyaar thaa us buDhe shajar se

meri saj-dhaj to koi ishq-e-butaan mein dekhe
saath qashqe ke hai zunnaar-e-barahman kaisaa

ye kyuun kahte ho raah-e-ishq par chalnaa hai ham ko
kaho ki zindagi se ab faraaghat chaahiye hai

aam hai izn ki jo chaaho havaa par likh do
ishq zinda hai zaraa dast-e-sabaa par likh do