ek aurat se vafaa karne kaa ye tohfa milaa — Bashir Badr

na tum hosh mein ho na ham hosh mein hain
chalo mai-kade mein vahin baat hogi

bhuul shaayad bahut baDi kar li
dil ne duniyaa se dosti kar li

ik shaam ke saae tale baiThe rahe vo der tak
aankhon se ki baatein bahut munh se kahaa kuchh bhi nahin

khudaa aise ehsaas kaa naam hai
rahe saamne aur dikhaai na de

hasin to aur hain lekin koi kahaan tujh saa
jo dil jalaae bahut phir bhi dilrubaa hi lage

khudaa ki itni baDi kaaenaat mein main ne
bas ek shakhs ko maangaa mujhe vahi na milaa

bataa nasib-e-nasheman main kyaa duaa maangun
jo aasmaan ki taraf raushni nazar aae

aaj tak yaad hai kaifiyyat-e-jaan tere huzur
sar se paa tak vo miraa dast-e-duaa ho jaanaa

manzar ko kisi tarah badalne ki duaa de
de raat ki ThanDak ko pighalne ki duaa de

main faqir huun duaa hai
mire paas aur kyaa hai

kahaan jaati hain baarish ki duaaein
shajar par ek bhi patta nahin hai

koi duaa kabhi to hamaari qubul kar
varna kaheinge log duaa se asar gayaa