najd se jaanib-e-lailaa jo havaa aati hai — Taashshuq Lakhnavi

bahut muzir dil-e-aashiq ko aah hoti hai
isi havaa se ye kashti tabaah hoti hai

mujh se kyaa puchhte ho daagh hain dil mein kitne
tum ko ayyaam-e-judaai kaa shumaar aataa hai

mauj-e-dariyaa se balaa ki chaahiye kashti mujhe
ho jo bilkul naa-muvaafiq vo havaa paidaa karun

dete phirte the hasinon ki gali mein aavaaz
kabhi aaina-farosh-e-dil-e-hairaan ham the

har taraf hashr mein jhankaar hai zanjiron ki
un ki zulfon ke giraftaar chale aate hain

muntazir tere hain chashm-e-khun-fishaan khole hue
baiThe hain dil bechne vaale dukaan khole hue

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

gham hai aavaara akele mein bhaTak jaataa hai
jis jagah rahiye vahaan milte-milaate rahiye

ye laash-e-be-kafan 'asad'-e-khasta-jaan ki hai
haq maghfirat kare ajab aazaad mard thaa

gai yak-ba-yak jo havaa palaT nahin dil ko mere qaraar hai
karun us sitam ko main kyaa bayaan miraa gham se siina figaar hai