bahut muzir dil-e-aashiq ko aah hoti hai — Taashshuq Lakhnavi

mujh se kyaa puchhte ho daagh hain dil mein kitne
tum ko ayyaam-e-judaai kaa shumaar aataa hai

mauj-e-dariyaa se balaa ki chaahiye kashti mujhe
ho jo bilkul naa-muvaafiq vo havaa paidaa karun

dete phirte the hasinon ki gali mein aavaaz
kabhi aaina-farosh-e-dil-e-hairaan ham the

har taraf hashr mein jhankaar hai zanjiron ki
un ki zulfon ke giraftaar chale aate hain

najd se jaanib-e-lailaa jo havaa aati hai
dil-e-majnun ke dhaDakne ki sadaa aati hai

muntazir tere hain chashm-e-khun-fishaan khole hue
baiThe hain dil bechne vaale dukaan khole hue

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

kahin ye apni mohabbat ki intihaa to nahin
bahut dinon se tiri yaad bhi nahin aai

ek taraf kuchh honT mohabbat ki raushan aayaat paDhein
ik saf mein hathiyaar sajaae saare jang-parast rahein

dil-e-betaab ke hamraah safar mein rahnaa
ham ne dekhaa hi nahin chain se ghar mein rahnaa

main rizq-e-mohabbat huun so baTtaa huun baraabar
jitnaa bhi kisi kaa huun main utnaa huun tumhaaraa