buraa ho ulfat-e-khubaan kaa ham-nashin ham to — Tilok Chand Mahroom

baad-e-tark-e-aarzu baiThaa huun kaisaa mutmain
ho gai aasaan har ik mushkil ba-aasaani miri

uThaane ke qaabil hain sab naaz tere
magar ham kahaan naaz uThaane ke qaabil

fikr-e-maaash o ishq-e-butaan yaad-e-raftagaan
in mushkilon se ahd-baraai na ho saki

ba-zaahir garm hai baazaar-e-ulfat
magar jins-e-vafaa kam ho gai hai

talaatum aarzu mein hai na tufaan justuju mein hai
javaani kaa guzar jaanaa hai dariyaa kaa utar jaanaa

gadaa nahin hain ki dast-e-savaal phailaaein
kabhi na aap ne puchhaa ki aarzu kyaa hai

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

zaraa baahon ke halqe aur kas lo
mohabbat saans lenaa chaahti hai

yuun mohabbat kaa badal kuchh bhi nahin
sochtaa huun itnaa haq de duun tumhein

har ek baar vafaaon pe zarb lagti hai
har ek baar miraa pyaar haar jaataa hai

dil ki zamin par miri 'ishq hai dasht-e-daaimi
hijr-o-visaal sab ke sab mausamiyaati haadse