yuun mohabbat kaa badal kuchh bhi nahin — Mehshar Afridi

zamin par ghar banaayaa hai magar jannat mein rahte hain
hamaari khush-nasibi hai ki ham bhaarat mein rahte hain

'aql aur 'ishq laDte rahe der tak
'aql maari gai 'ishq zinda rahaa

vo kuchh ghalat nahin thaa hamin bevaquf the
shishe ko saaf karte rahe is taraf se ham

jab tumhaari ye maatami aankhein
muskuraati hain shor thamtaa hai

visaal-e-yaar furqaton ki rut badal nahin rahaa
badan qaraar paa gayaa hai dil sanbhal nahin rahaa

tumhaare husn ko kab tak varaq varaq paDhte
so ek raat mein puuri kitaab paDh Daali

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

qaafile raat ko aate the udhar jaan ke aag
dasht-e-ghurbat mein jidhar ai dil-e-sozaan ham the

taskin' karun kyaa dil-e-muztar kaa ilaaj ab
kam-bakht ko mar kar bhi to aaraam na aayaa

saaqi sharaab Daal magar naap kar nahin
hoti hai sharmsaar mohabbat usuul se

is tarah husn-o-mohabbat ki karo tum tafsir
mujh ko aaina kaho aur unhein tasvir kaho