vo aae jaataa hai kab se par aa nahin jaataa — Urfi Aafaqi

divaana-vaar naachiye hansiye gulon ke saath
kaanTe agar milein to jigar mein chubhoiye

chalaa thaa main to samundar ki tishnagi le kar
milaa ye kaisaa saraabon kaa silsila mujh ko

maalum hai 'urfi' jo hai qismat mein hamaari
sahraa hi koi girya-e-shabnam ko milegaa

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

kal laD gayaa ki aur pe aashiq hai tu 'asad'
aayaa hai jab vo yaan to ik ilzaam de gayaa

khushi daaman-kashaan hai dil asir-e-gham hai barson se
hamaari zindagi kaa ek hi aalam hai barson se

khayaal-e-vaada tiraa bas-ki shab nazar mein rahaa
tamaam raat miraa ji sadaa-e-dar mein rahaa