ham aaj raah-e-tamannaa mein ji ko haar aae — Waheed Quraishi

pahunch gae hain ham aise dayaar mein ki 'vahid'
jahaan gunaah to laazim hai nekiyaan barbaad

'vahid' kaar-e-siyaasat hai kaar-e-be-kaaraan
zabaan ko rok lo qaaem rahe adab kaa vaqaar

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

khuub jiine kaa mazaa paate hain ham
khun-e-dil piite hain gham khaate hain ham

dard-e-sar hai teri sab pand-o-nasihat naaseh
chhoD de mujh ko khudaa par na kar ab sar khaali

hasti kaa zarra zarra taaraaj kar diyaa hai
us bevafaa ki khaatir us bevafaa ke gham mein