jaave thi jaasusi-e-majnun ko taa raahat na le — Wali Uzlat

tiri vahshat ki sarsar se uDaa juun paat aandhi kaa
miraa dil haath se khoyaa to tere haath kyaa aayaa

ishq gore husn kaa aashiq ke dil ko de jalaa
saanvlon ke aashiqon kaa dil hai kaalaa koelaa

main sahraa jaa ke qabr-e-hazrat-e-majnun ko dekhaa thaa
ziyaarat karte the aahu bagula tauf kartaa thaa

jaa kar fanaa ke us taraf aasuda main huaa
main aalam-e-adam mein bhi dekhaa maza na thaa

ham us ki zulf ki zanjir mein hue hain asiir
sajan ke sar ki balaa aa paDi hamaare gale

vo pal mein jal-bujhaa aur ye tamaam raat jalaa
hazaar baar patinge se hai charaagh bhalaa

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

maarka garm to ho lene do khun-rezi kaa
pahle shamshir ke niche hamin jaa baiTheinge