ik halqa-e-ahbaab hai tanhaai bhi us ki — Wamiq Jaunpuri

ye maanaa shisha-e-dil raunaq-e-baazaar-e-ulfat hai
magar jab TuuT jaataa hai to qimat aur hoti hai

pahchaan lo us ko vahi qaatil hai hamaaraa
jis haath mein TuuTi hui talvaar lage hai

mire fikr o fan ko nai fazaa nae baal-o-par ki talaash hai
jo qafas ko yaas ke phunk de mujhe us sharar ki talaash hai

vo vaade yaad nahin tishna hai magar ab tak
vo vaade bhi koi vaade jo mai pilaa ke liye

kis ne basaayaa thaa aur un ko kis ne yuun barbaad kiyaa
apne lahu ki bu aati hai in ujDe baazaaron se

zabaan tak jo na aae vo mohabbat aur hoti hai
fasaana aur hotaa hai haqiqat aur hoti hai

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

main to saail thaa sadaa de ke guzarnaa thaa mujhe
tu ne kyuun shaam talak band daricha na kiyaa

gham-e-dauraan se ab to ye bhi naubat aa gaii, aksar
kisi murghi se Takraai to khud chakraa gaii, aksar

tire bhuul jaane ki aadat ke sadqe
tujhe bhuul jaane ko ji chaahtaa hai