sharaafaton ki yahaan koi ahmiyat hi nahin — Waseem Barelvi

ham ye to nahin kahte ki ham tujh se baDe hain
lekin ye bahut hai ki tire saath khaDe hain

tahrir se varna miri kyaa ho nahin saktaa
ik tu hai jo lafzon mein adaa ho nahin saktaa

raat to vaqt ki paaband hai Dhal jaaegi
dekhnaa ye hai charaaghon kaa safar kitnaa hai

bhare makaan kaa bhi apnaa nasha hai kyaa jaane
sharaab-khaane mein raatein guzaarne vaalaa

shartein lagaai jaati nahin dosti ke saath
kiije mujhe qubul miri har kami ke saath

hamaare ghar kaa pataa puchhne se kyaa haasil
udaasiyon ki koi shahriyat nahin hoti

mazra-e-duniyaa mein daanaa hai to Dar kar haath Daal
ek din denaa hai tujh ko daane daane kaa hisaab

pi shauq se vaaiz are kyaa baat hai Dar ki
dozakh tire qabze mein hai jannat tire ghar ki

bahut himmat kaa hai ye kaam 'shaariq'
ki sharmaate nahin Darte hue ham

Dar hai na dupaTTa kahin siine se sarak jaae
pankhaa bhi hamein paas se jhalne nahin dete

ghair taraf kyunki nazar kar sakun
khauf hai tujh ishq ke jaasus kaa

chehre se jhaaD pichhle baras ki kuduratein
divaar se puraanaa calender utaar de