log to aur bhi akele hain — Wasim Nadir

hami akele nahin zindagi se haare hue
bahut se log khaDe hain badan utaare hue

mohabbat bojh ban kar hi bhale rahti ho kaandhon par
magar ye bojh haTtaa hai to kandhe Tuut jaate hain

sab log jo hairat se tujhe dekh rahe hain
sar teraa bahut chhoTaa hai dastaar baDi hai

mohabbaton ko kahin se madad nahin milti
ye jang aisi hai jis mein rasad nahin milti

tire baghair bhi kahti hai mujh se jiine ko
ye zindagi bhi sahi mashvara nahin deti

ehsaan kar rahaa hai tiraa hijr in dinon
main in dinon khudaa ke ziyaada qarib huun

mere khvaabon ke jharokon ko sajaate rahiye
na sahi vasl magar yaad to aate rahiye

hamein vaasta taDap se hamein kaam aansuon se
tujhe yaad kar ke roe yaa tujhe bhulaa ke roe

bulandi ke liye bas apni hi nazron se girnaa thaa
hamaari kam-nasibi ham mein kuchh ghairat ziyaada thi

judaai se ziyaada jaan-levaa
mohabbat mein mohabbat ki kami hai

vo dil se kam zabaan hi se ziyaada baat kartaa thaa
jabhi us ke yahaan gahraai kam vusat ziyaada thi

sahj yaad aa gayaa vo laal holi-baaz juun dil mein
gulaali ho gayaa tan par mire khirqa jo ujlaa thaa