ehsaan kar rahaa hai tiraa hijr in dinon — Wasim Nadir

mohabbat bojh ban kar hi bhale rahti ho kaandhon par
magar ye bojh haTtaa hai to kandhe Tuut jaate hain

sab log jo hairat se tujhe dekh rahe hain
sar teraa bahut chhoTaa hai dastaar baDi hai

mohabbaton ko kahin se madad nahin milti
ye jang aisi hai jis mein rasad nahin milti

tire baghair bhi kahti hai mujh se jiine ko
ye zindagi bhi sahi mashvara nahin deti

main khushbuon ke zikr pe khaamosh hi rahaa
haalaanki ek phuul mire haafize mein thaa

hami akele nahin zindagi se haare hue
bahut se log khaDe hain badan utaare hue

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

shaayad kisi ne yaad kiyaa hai hamein 'adaa'
kyon varna ashk maail-e-tufaan hai aaj phir

vo din gae ki 'daagh' thi har dam buton ki yaad
paDhte hain paanch vaqt ki ab to namaaz ham

aaj nikle yaad ki zambil se
mor ke TuuTe hue do chaar par

'zafar' aadmi us ko na jaaniyegaa vo ho kaisaa hi saahab-e-fahm-o-zakaa
jise aish mein yaad-e-khudaa na rahi jise taish mein khauf-e-khudaa na rahaa