aisi tanhaa raaton mein hi aati hai — Yasir Tahsin

chal diye hain bol kar vaapas na lauTeinge kabhi
chal diye hain ik daf'a phir lauT aane ke liye

tum jo kahte ho chuum loge hamein
karne vaale kahaa nahin karte

us ne din jaldi Dhalne ki khvaahish ki
dharti ne raftaar baDhaa di gardish ki

pahle tu ik jhuTe gham mein miT jaane kaa naaTak rach
phir duniyaa ko jaa jaa kar batlaa tu kitne dukh mein hai

ye abr-e-nau hamaare kisi kaam kaa nahin
un ko pasand hi nahin baarish mein bhignaa

haae vo shokh sandali qaamat
jis ne mujh be-niyaaz ko maaraa

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

bas aur to kyaa honaa thaa dukh-dard sunaa kar
yaaron ke liye ek tamaasha nikal aataa

ret hai suraj hai vusat hai tanhaai
lekin naan is dil ki khaam-khayaali jaae

rah gai zindagi dard ban ke
dard dil mein chhupaae chhupaae