haae vo shokh sandali qaamat — Yasir Tahsin

chal diye hain bol kar vaapas na lauTeinge kabhi
chal diye hain ik daf'a phir lauT aane ke liye

tum jo kahte ho chuum loge hamein
karne vaale kahaa nahin karte

us ne din jaldi Dhalne ki khvaahish ki
dharti ne raftaar baDhaa di gardish ki

pahle tu ik jhuTe gham mein miT jaane kaa naaTak rach
phir duniyaa ko jaa jaa kar batlaa tu kitne dukh mein hai

ye abr-e-nau hamaare kisi kaam kaa nahin
un ko pasand hi nahin baarish mein bhignaa

aisi tanhaa raaton mein hi aati hai
ek ghazal jo shaa'ir ko khaa jaati hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

jab bhi aql banaati hai pahlaa misraa
dil ko misra-e-saani honaa paDtaa hai

kisi ki yaad manaane mein iid guzregi
so shahr-e-dil mein bahut duur tak udaasi hai

dil par pahan liyaa hai vo gajre ke jaisaa shakhs
lekin gale kaa haar nahin kar rahaa huun main

botalein khol kar to pi barson
aaj dil khol kar bhi pi jaae