sukhan ke aakhiri dar par sadaa lagaataa huun — Zahoor Chohan

aakhiri baar mulaaqaat to kar li hai magar
silsila apni mohabbat kaa kahaan aakhiri hai

rahtaa huun main jitnaa saath sab ke
lagtaa hai akelaa ho gayaa huun

main apne aap mein taqsim hone lagtaa huun
use kaho ki mire saamne na aayaa kare

kabhi kabhi to miraa ghar bhi mujh se puchhtaa hai
ki is jahaan mein koi teraa ghar bhi hai ki nahin

inhi jhuke hue peDon se guftugu hai miri
janaab mere buzurgon se guftugu hai miri

puuri ho jaati agar koi kahaani hoti
ye mohabbat hai miyaan is mein kasak rahti hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

sadiyon se mire paanv tale jannat-e-insaan
main jannat-e-insaan kaa pataa DhunDh rahi huun

rone ke bhi aadaab huaa karte hain 'faani'
ye us ki gali hai teraa gham-khaana nahin hai

faani davaa-e-dard-e-jigar zahr to nahin
kyuun haath kaanptaa hai mire chaarasaaz kaa