dusron ko fareb de de kar — Zaki Kakorvi

yaad aae hain uff gunah kyaa kyaa
haath uThaae hain jab duaa ke liye

aql ne tark-e-taalluq ko ghanimat jaanaa
dil ko badle hue haalaat pe ronaa aayaa

tiri javaan umangon ko ho gayaa hai kyaa
Dari Dari si mohabbat mujhe pasand nahin

junun ke kaif-o-kam se aagahi tujh ko nahin naaseh
guzarti hai jo divaanon pe divaane samajhte hain

log kahte rahe qarib hai vo
ham ne DhunDaa to duur duur na thaa

ye raat yunhi basar ho gai to kyaa hogaa
tire baghair sahar ho gai to kyaa hogaa

bevafaa tum hue ki tark-e-mohabbat main ne
ishq-baazi miraa sheva thaa miri zaat na thi

ik bevafaa ke pyaar mein had se guzar gae
kaafir ke pyaar ne hamein kaafir banaa diyaa

jin kaa maqsad fareb hotaa hai
vo baDi saadgi se milte hain

balaa se kuchh ho ham 'ehsaan' apni khu na chhoDeinge
hamesha be-vafaaon se mileinge baa-vafaa ho kar

dikhaai detaa hai jo kuchh kahin vo khvaab na ho
jo sun rahi huun vo dhokaa na ho samaaat kaa

miraa vajud haqiqat miraa adam dhokaa
fanaa ki shakl mein sar-chashma-e-baqaa huun main