mai ko jo istilaah mein kahte hain dukht-e-raz — Zareef Lakhnavi

vo bhi gunge bane rahe ham bhi
guftugu qissa-mukhtasar na hui

saakinaan-e-shahr ab hoshyaar honaa chaahiye
member aur voter kaa kuchh meaar honaa chaahiye

hamein batlaa na dein aashiq jo hain ru-e-kitaabi par
sabaq hai kyaa koi maashuq jis ko yaad karte hain

ilm mein jhingur se baDh kar kaamraan koi nahin
chaaT jaataa hai kitaabein imtihaan koi nahin

chaae mein Daal kar ushshaaq use pi jaate
dar-haqiqat lab-e-maashuq jo shakkar hotaa

vahshat mein har ik naqsha ulTaa nazar aataa hai
majnun nazar aati hai lailaa nazar aataa hai

na tum hosh mein ho na ham hosh mein hain
chalo mai-kade mein vahin baat hogi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

rindon ko paabandi-e-duniyaa kahaan
kashti-e-mai ko nahin langar ki chaah

maston mein phuuT paD gai aate hi yaar ke
laDtaa hai aaj shishe se shisha sharaab kaa

saaqiyaa tishnagi ki taab nahin
zahr de de agar sharaab nahin

jaam-e-aqiq zard hai nargis ke haath mein
taqsim kar rahaa hai mai-e-arghavaan basant