bas ek rang hai dil mein kisi ke hone se — Zeeshan Sahil

aayaa thaa mere paas vo kuchh der ke liye
suraj magar gahan mein bahut der tak rahaa

main zindagi ke sabhi gham bhulaae baiThaa huun
tumhaare ishq se kitni mujhe sahulat hai

havaa bahaar ki aaegi aur main chumungaa
vo saare phuul ki jin mein tiri shabaahat hai

kis qadar mahdud kar detaa hai gham insaan ko
khatm kar detaa hai har ummid har imkaan ko

khiDki ke raste se laayaa kartaa huun
main baahar ki duniyaa khaali kamre mein

guzar gai hai magar roz yaad aati hai
vo ek shaam jise bhulne ki hasrat hai

main baDaa ho gayaa huun magar bachpanaa
mere dil se kabhi bhi gayaa hi nahin

chaand ne taan li hai chaadar-e-abr
ab vo kapDe badal rahi hogi

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

'saif' andaaz-e-bayaan rang badal detaa hai
varna duniyaa mein koi baat nai baat nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa