jalaa hai dil yaa koi ghar ye dekhnaa logo — Zubair Rizvi

ye lamha lamha takalluf ke TuTte rishte
na itne paas mire aa ki tu puraanaa lage

surkhiyaan akhbaar ki galiyon mein ghul karti rahin
log apne band kamron mein paDe sote rahe

auraton ki aankhon par kaale kaale chashme the sab ki sab barahana thiin
zaahidon ne jab dekhaa saahilon kaa ye manzar likh diyaa gunaahon mein

sukhan ke kuchh to guhar main bhi nazr kartaa chalun
ajab nahin ki karein yaad maah o saal mujhe

zindagi jin ki rifaaqat pe bahut naazaan thi
un se bichhDi to koi aankh mein aansu bhi nahin

haae ye apni saada-mizaaji atom ke is daur mein bhi
agle vaqton ki si sharaafat DhunD rahi hai shahron mein

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

dil ki aazurdagi bajaa lekin
vo bhi mahrum-e-yak-nigaah rahe

na nikli hasrat-e-dil ek bhi hazaar afsos
adam se aae the kyaa kyaa ham aarzu karte

shaaeri to vaardaat-e-qalb ki rudaad hai
qaafiya-paimaai ko main shaaeri kaise kahun

mil hi jaaegaa kabhi dil ko yaqin rahtaa hai
vo isi shahr ki galiyon mein kahin rahtaa hai