haae ye apni saada-mizaaji atom ke is daur mein bhi — Zubair Rizvi

surkhiyaan akhbaar ki galiyon mein ghul karti rahin
log apne band kamron mein paDe sote rahe

auraton ki aankhon par kaale kaale chashme the sab ki sab barahana thiin
zaahidon ne jab dekhaa saahilon kaa ye manzar likh diyaa gunaahon mein

sukhan ke kuchh to guhar main bhi nazr kartaa chalun
ajab nahin ki karein yaad maah o saal mujhe

zindagi jin ki rifaaqat pe bahut naazaan thi
un se bichhDi to koi aankh mein aansu bhi nahin

jalaa hai dil yaa koi ghar ye dekhnaa logo
havaaein phirti hain chaaron taraf dhuaan le kar

ye lamha lamha takalluf ke TuTte rishte
na itne paas mire aa ki tu puraanaa lage

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gul kiyaa jis ne vo thaa aur magar
shama ne shikva havaaon se kiyaa

kahaan milegi misaal meri sitamgari ki
ki main gulaabon ke zakhm kaanTon se si rahaa huun

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

kabhi be-kali kabhi be-dili hai ajiib ishq ki zindagi
kabhi ghuncha pe jaan fidaa kabhi gulsitaan se gharaz nahin

ye aur baat teri gali mein na aaein ham
lekin ye kyaa ki shahr tiraa chhoD jaaein ham