bechaini ke lamhe saansein patthar ki — Zulfiqar Naqvi

sadiyon ke baad hosh mein jo aa rahaa huun main
lagtaa hai pahle jurm ko dohraa rahaa huun main

ab zamin par qadam nahin Tikte
aasmaan par uqaab dekhaa hai

khinch li thi ik lakir-e-naa-rasaa khud darmiyaan
faasla-dar-faasla-dar-faasla honaa hi thaa

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

yaa-rab gham-e-hijraan mein itnaa to kiyaa hotaa
jo haath jigar par hai vo dast-e-duaa hotaa

gar tarannum par hi 'daanish' munhasir hai shaairi
phir to duniyaa bhar ke shaair naghma-khvaan ho jaaeinge

tu dekh lenaa hamaare bachchon ke baal jaldi safed honge
hamaari chhoDi hui udaasi se saat naslein udaas hongi